يېڭى جاۋابلار

ئاللاھنىڭ ئەۋلىيالىرى دېگەن: ئۆزىنىڭ بارلىق ئىشلىرىدا ئاللاھ تائالانى كۆزىتىپ، مۇراقىبە قىلىدىغان، بۇيرۇقلىرىنى لازىم تۇتۇپ چەكلىمىلىرىدىن يىراق بولىدىغان تەقۋادار ئىمانلىق كىشىلەردۇر. بەندىنىڭ ئىمانى ۋە تەقۋادارلىقى بىلەن ئۇلارنىڭ دەرىجىسىمۇ پەرقلىق بولىدۇ. ھەر بىر مۇسۇلماننىڭ ئاللاھقا يېقىنلىقى، ياخشى كۆرۈشى ۋە ئىگە بولىشى قاتارلىق بارلىق ئىشلاردا نېسىۋىسى بولىدۇ. ئاللاھقا يېقىن بولۇش بىر كىشىگىلا مونوپۇل قىلىنغان ئەمەس، ياكى ئىنسانلاردىن مەلۇم تەبىقىدىكى كىشىلەرگىلا بېرىلگەن ئىمتىياز ئەمەس، بۇنىڭغا مىراس بىلەن ئېرىشكىلى بولمايدۇ، بەلگە -ئالامەتلەر بىلەن يەتكىلى بولمايدۇ، ئاللاھنىڭ ئەۋلىيالىرىنى ئاللاھنىڭ ئەسھابىلىرى دەپ ئاتاش توغرىسىدا سەھىھ دەلىل بارلىقىنى بىلمەيمىز.

پەيغەمبەرئەلەيھىسسالامنىڭ ئاياللىرىنىڭ ئىسمى تۆۋەندىكىچە: 1-خەدىچە بىنتى خۇۋەيلىد. 2 -سەۋدە بىنتى زەمئە. 3- ئائىشە بىنتى ئەبۇ بەكىر سىددىق. 4-ھەپسە بىنتى ئۆمەر. 5-زەينەپ بىنتى خۇزەيمە. 6-ئۇممۇ سەلەمە بىنتى ئەبى ئۇمەييە. 7-جۇۋەيرە بىنتى ھارىس. 8-زەينەپ بىنتى جەھش. 9-ئۇممۇ ھەبىيبە بىنتى ئەبى سۇپيان. 10-مەيمۇنە بىنتى ھارىس. 11-سەپىيە بىنتى ھۇيەي ئىبنى ئەختەب.

مۇستەھەپ بولغان روزىلاردىن ھەپتە ئىچىدە: دۈشەنبە، پەيشەنبە كۈنلىرى، ئاينىڭ ئىچىدە ھەر ئايدا ئۈچ كۈن، يىلدا بولسا ئاشۇرا ۋە ئەرەپات كۈنلىرىگە ئوخشاش مەلۇم كۈنلەردە، ۋاقىتتا بولسا شەۋۋال ئېيىدا ئالتە كۈن روزا تۇتۇش، مۇھەررەم ۋە شەبان ئايلىرىدا مۇمكىن بولغانچە روزا تۇتۇش، روزا تۇتۇشى مۇمكىن بولغان ھەر قانداق بىر مۇسۇلمان يىلنىڭ قايسى بىر كۈنىدە روزا تۇتسا بولىدۇ، لېكىن روزا تۇتۇش چەكلەنگەن كۈنلەردىن: ئىككى ھېيت كۈنلىرى، تەشرىقنىڭ ئۈچ كۈنى روزا تۇتمايدۇ، تەمەتتۇ ھەج قىلىپ قۇربانلىق تاپالمىغان كىشى تەشرىق كۈنلىرىدە روزا تۇتسا بولىدۇ. ئاللاھ تائالاغا سۆيۈملۈك بولغان روزا قادىر بولالىغان ۋە ئاجىزلىشىپ قالمايدىغان كىشى ئۈچۈن بىر كۈن روزا تۇتۇپ بىر ئىپتار قىلىشتۇر. بۇنداق قىلالىسا ياخشى بولىدۇ.